"Eehhhh...! jangan la nak mengopak tangan ekau tu ha... kang nampak macam orang cacat jo ha..."Ha kalo korang semuo nak tau kitaorang tongah terpacak bergambo sakan ditopi tasik kat Tepeng nu ha.Sajo jo la nak merapekkan hubungan silaturohim katokan.Nasib baik ado tigo jo bokeh anak homeroom den...kalo ado semuo terjeluih keluar poket den hari tu....sajo jo...maklumla pakcik kayooooooo....! NO HAL PUNYO...Dari Kiri Yanti, Syira, Che'Otot and Pullah. ( 8 April 2007 )
Lamo jugak la den melepak kat sana tu ha....sajo layan sembang lamo tak jumpo..sambil rehat mencuci mato couple buek kejo tak sononoh kek situ..
apo nak jadi ehh, 
bak 
kata orang sambil menyolam minum air....tapi la pada den kalo menyolam minum air mampuih keras lamo dah ekau lomas eee jang oiiii.....!
Sobolum melepak puih jugak la berjalan ronda-ronda kek bando Tepeng tu ha.Tak ketinggalan singgah kek The Store....wehh..! ado CHEAP SALE....! sompek jugak la den memboli-bolah sekojap.Sembang punyo sembang langit tak selamo eh coghrah...! Tepeng potang jo hujan la..... Sobab tu den dah prepare awal-awal lagi sediokan payung sobolum hujan.Walaubagaimana pun den ngan anak homeroom den sompek lagi membaham memboncit porut masing-masing...
oiiiii.....cubo ekau tengok langit tu ha...golap semacam jo...alamat nak hujan lobat .... basa kuyop jawab eh...!
Eh iyo la...tapi jangan panik biar den tengok dulu ramalan kaji cuaco hari nie... sekojap jo...den advance dalam bab... meramal nie ha....Ha.... ujan turun limo minit lagi ha.. sompek lagi nak possing-possing maut sobolum cabut lari....
No comments:
Post a Comment